అందాల ముద్దుగుమ్మకు అలంకారాలు ...

ఎవరు నేర్పేరమ్మ ఈ కొమ్మకు పూలిమ్మని రెమ్మరెమ్మకు

ఇరుకిరుకు పట్టణవాసంలొ , నడవడానికే చోటు లేని అపార్ట్‌మెంట్ జీవితాలలో. కుండీలలో పెంచుకున్న చెట్టుకు ఒక్క పూవు పూచినా అది ఎంత ఆనందమో. ఇక ఆకులు కనపడనివ్వకుండా పూసిన పచ్చని చామంతి పూలను ఎంత సేపు చూసినా తనివి తీరదు. ఈ ఆనందం M.F.Hussain వేసిన కోట్ల విలువైన చిత్రానికి కాని, ప్రపంచ ప్రసిద్ధి చెందిన అందమైన మోనాలిసాను చూసిన కలగదు కదా??

అడ్డం జరగండి...

ఉదయించే సూర్యుని కిరణాలు భూమిని తాకడానికి అడ్డుగా ఉన్న ఆకాశ హర్మ్యాలు. కాంగ్రీట్ జంగిల్‍గా మారుతున్న పట్టణాలలో ఆకాశంలో మబ్బులు చూడడం. ఉదయించే సూర్యుని కిరణాల వెచ్చదన్నాన్ని ఆస్వాదించడం కష్టమవుతుంది కదా.. వీటికోసం మైదానంలోకి వెళ్లాలా? లేక మన మేడనెక్కాలా?? ఈ యాంత్రిక జీవనంలో మనకు అంత ఓపిక, తీరిక ఉన్నాయా?

విచ్చుకుంటున్న అందాలు

తొలిసంధ్యవేళలో వెచ్చని సూర్యకాంతితో నిద్రమబ్బు వీడి బద్ధకంగా ఒళ్లు విరుచుకుంటున్న(విచ్చుకుంటున్న) మా ఇంటి మందార. (మందారం వెనకాల ఉన్న చెట్టు ఏంటో గుర్తించగలరా??)

అమ్మలగన్న యమ్మ

                                                                                                          
                                                       ఆ జగజ్జననికి  తొలి కుసుమాంజలి...